النفاق والكذب !! عند بعض الرابرز

[center]
اليـوم آرجـع لكــم مـن جـديـد بقسـم المنــآقشـة ..!!
لآن السـآحة بالـوقـت الحـآلي فـي حـآلة خمــول ومـلـل ،،
وحبيــت آرجـع لكـم بـموضـوع مـن النـوع الكـوميـدي وبنفس الوقت يكـون جـآد ^^

والحيــن آخليــكم مع النقـآط ومحتــوى المـوضـوع ،،




النفاق والكذب !!

آغلب الرابرز يستخدمون هالمصطلح بالراب بدون مايشعر الجمهور الخليجي
بس مثل مايقولون " حبل الكذب قصير "

\\

خلونا نتكلم بكل واقعيه ،،
عن مثآلين آو نقطتين آو موقفين يصيرون بالرآب الخليجي
من آفعال الرآبرز نفسهم ! وكل واحد فيهم يطيح هيبته قدام جمهورهـ الخآص
وقدام الجمهور الخليجي

( الآلحان - الكلمات )

بتكلم عن موضوع الآلحان ، وبعدين بتكلم عن الكلمات !!

طبعا نشوف بعض الرابرز يقولون هذا اللحن آنا وتعبت عليه وكل شيء !
يعني تحس آن خلاص اللحن خاص من طريقه كلامه !
بس فجآة تلاقي موضوع نازل بالمنتدى ،،
وتلاقي اللحن اللي يقول عنه بأن خاص ومسويه
تلاقي اللحن موجود اساسا في موقع الـ soundclick

شنو نظرتك لهذآ الرآبر ؟
هل تحس فعلا يستاهل كلمة رآبر !
ولا تنسى بآن غلطة الشآطر بألف !

يعني يكذب على جمهورهـ !
شنو موقف جمهورهـ بهذي اللحظة !

اذا انت حاس بآن لك موهبه التلحين
تتدرب آو تعلم وبعدها آصنع لنفسك الآلحان
وغن عليها بدون ماتسرق آلحان وتقول بآنك آنت مسويها ^^
وبالاخير يطلع نفاقك وكذبك !

آترك لكم الاجابة للتعليق على هذي النقطه



والحين بتكلم عن الكلمات ^^

اممم نفس الشيء تقريبا بس هذا
يسرق الكلمات من شاعر مثلا ؟ ولا من اي رابر ثاني
ويقتبس نفس كلماته ويغنينها
يعني ينسب الكلمات بآنها من تأليفه وهالسوالف هذي كلها

يعني لهدرجة ماتعرف تكتب كلمات يا آخ رآبر ؟؟

يعني رابر مايعرف يكتب كلماته ؟ شلون بتوصل رسالتك للجمهور ؟
او شلون بتغني وتطرب الناس اذا ماكانت الكلمات من تآليفك وتعبك وتحس بالكلمات اللي راح تغنيها
اذا ماكانت عندك موهبه الكتابه آو توصيل الرساله شلون بتغني ؟

حآول تتدرب حق التأليف ! ترى الكلمات مو بس وزن تحطه وخلاص !
الجمهور مايبي يسمع وزن تحطه وخلاص
يبي فن بكتابه الكلمات ولعب بالقوآفي ! وهذي تعتمد على ذكاء الرابر
بكتابه كلماته




الهندسه الصوتيه والفلاتر

طبعا الهندسه ذوق ،، وهذا شيء معروف عند الرابرز
الهندسه مو بس تسجل وتركب 11 تراك وتغني عليها
وتعور راس الجمهور بالفلاتر اللي تحطها !!
ماهو ضروري تكون هندستك قوويه ولا شيء
خل هندستك مقبوله لآن الجمهور يحب يسمع الكلمات تكون واضحه
مو تزعج الجمهور بالفلاتر وتكثر من الصدى ومآدري شنوو
طبعا كل ماكانت هندستك آقوى وآحسن
تكون للمستمع صدى بآذنه ويردد كلماتك
بس خل يكون هندستك وتسجيلك واضح
بكون شغلك مضبووط ،،
لآن بعض الرابرز يبالغ في الهندسه ويخرب على اغنيته وكذا



ميدويست مزيف يخفي الكلمات

بعض الرابرز على باله الـ MidWest يشبك بالكلمات ويغنيها بسرعه !
وحتى كلماته ماتكون واضحه !

اممممم ترى لازم كون كلماتك واضحه بالميدويست بعد
عشان الجمهور يعرف شنو تغني او يكتبون كلماتك بعد
مثل الرابر Tech N9ne
تلاقي كلماته موجودهـ باليوتيوب او بالمنتدى
وهذا من الراب الآجنبي
وعندنا بالراب العربي Legend Killer
ميدويست صح ! كلماته مفهومه لما يغني الميدويست
لآن عارف شغله صح



تتحدى اللي آكبر منك ..!!

كثير من الرابرز يعشق الدسات ! وهذا شيء مانختلف فيه !
بس المشكلة ماتعرف تختار الخصووم المناسبه لها ،،
آو مثل مانقول " الخصم اللي تقدر عليه "
نشوف رآبرز يتحدون آو ينزلون دسات
على نآس مستواهم وشهرتهم آعلى منهم

وهذا شيء يخلي الجمهور الخليجي يضحك عليه
ويخلي الرابر اللي منزل عليه دس يضحك بعد
لآن بهذي الحاله الكل بيقول عنه

" يـتـلـزق "

لآن قاعد يسب ناس مستواهم اعلى منه
لآن مستحيل ينزل عليه دس ،، دام ان مستواهـ من منه
فـ ليش يتعب نفسه ويسجل على نآس ماهم من مستواهـ

نصيحه حق الرآبرز مني ..

حآول تختار خصم من مستواك عشان تقدر تبرز نفسك بالتحدي
وبهذي الحاله تقدر تبدع وتفوز بالتحدي
او انك تشارك في بطولات عشان تبرز اسمك وترفعه

اما تتحدى ناس ماهم من مستواك ، وتنزل دسات عشوائيه
فـ هذي صعبه عليك ..!!

حآول ترفع نفسك بشيء يخلي الناس تفتخر فيك او جمهورك يفتخر فيك
نزل شيء رآقي مستوى فآخر ، وصدقني بعدين آسمك بياخذ حقه بالسآحة



وكذا آضن خلصت موضوع ، والنقآش مفتوح للجميع ^^

وآضن هالآشياء السلبيه اللي ذكرتها
تطيح من سمعت الرآب عند الجمهور
لآن نلاقي آشباهـ رآبرز !!
رآبرز بس بالآسم بدون الفن اللي تتقنه !
وهذا اللي يخلي الراب يدخل في المرحله السلبيه